Transcription
1
Reçue à Grenoble,le 16 mars 1573. Répondue le 18 mars 1573.
2
Monsieur, je vous scripvis yer de Valence et despuys
3
il nest survenu aultre chose, fors que ce matin jay
4
faict passé cent arquebusiers que madvoyt forny
5
monsieur de Maytral et ung bateau pour les apporter
6
du cousté du Pousin pour rompre les leurs quilz
7
advoyent prins des molins de La Voulte ; ce qu’a esté
8
executé, anssemble des courtes et quelque beche. Vray
9
est quils nont peu tirer le bateau du port pour estre
10
enffonssé et enfiché dens le Rosne et aussy que le jour
11
les y a prins. Toutesfoys pour cella je ne bougerey dissy
12
pour encores, cregnant quilz nen recouvrent des aultres
13
comme ilz hont faict pour le passé. Jay faict anvoyer
14
tous ceulx de Bay à Valleane [Valence ?] hors le port et des molins
15
qui sont desous la vile, lesquelz ilz ne porroyent
16
remonter quilz ne leussent forsser ce quil[s] ne peulvent
17
haysement fère sestant ceulx du lieu renfforssé dans
18
ung tour laquelle va sur la rivière. Au Pousin font
19
amas de tous vivres tant quilz peulvent et agrandissent
20
leur fossé du costé du Rosne et se promectent tougour
21
d’avoir secours d’Alemagne et sen asseurent. Le sieur Desdan de
22
Valence m’a randu ung paquet que je vous envoye lequel
23
ma dit qu’il est sorty ung de Saumière qui a asseuré monsieur
24
le mareschal que lons ne la pouvoyt plus tenir et quil sasseure
25
dens peu de jours en voyr la fin. Au reste monsieur Briensson
26
ma escript don je vous envoye coppie de sa lettre et presante
27
ungne requeste, laquelle je luy ay acordée pour huyt jours
28
tant seulement atandent surce vous comandemens ne volant
29
quil en vint faulte pour ne luy advoyr otroyé ce qu’il demandoyt.
30
[309v°] Monsieur de La Rouche vous scripvans lons me donna
31
vous lettres disent que sadressoyt à moy et sens regarder
32
le desus, je leus plus tost hoverte que dy advoyr
33
pencé que me faict très humblement vous supplier
34
monsieur croyre que je l’ay plus tost faict par ignorence
35
quà volonté de vous desplayre. Je vous tiendrey adverty de
36
tout ce qui se presantera et sil vous playt monourer
37
sovent de vous nouvelles, je les arey pour les plus agreables
38
que je porroys ressevoyr. Et atandent ce bien, je
39
supplieray Notre Segneur vous donner,
40
monsieur, en parfaicte prosperité, très heureuse et
41
très bonne vye et longue. De Lauriol, ce XIIIe de mars
42
1573.
43
Votre très humble serviteur
44
Rousset